Kryetari i PD-së, Sali Berisha firmosi një kontratë me sindikatat ku angazhohet të plotësojë kërkesat e tyre brenda 100 ditët e para të qeverisjes nëse do të fitojë zgjedhjet. Ai premtoi rritje të pensioneve me 20% dhe indeksim çdo vit të inflacionit në dyfishin e tij.
“Kemi vendosur që në 100 ditët e para të kalojmë ligjin për minimumin jetik. Minimumi jetik do të jetë për çdo shqiptar, për çdo pensionist që merr nën 200 Euro, për çdo të papunë, për çdo person në ndihmë ekonomike. Nga ky minimum përfitojnë mbi 560 mijë pensionistë që janë me pensione të pjesshme.
Pensionet do rriten me 20% dhe do të indeksohen dyfishin e inflacionit. Nuk do mund të ketë rrogë këtu nën 500 euro. Ne do vendosim pagën për orë pune. Ne do ecim në rrugën që ecin vendet e lira. Pensionistët do kenë kartën e konsumatorit se ilaçet nuk janë luks.
Do rimbursohen 100% por në Shqipëri nuk do mund të shiten ilaçe të tjera kurrë përveç atyre që tregtohen në vendet anëtare të BE. Do bëjmë gjithçka që Made in Albania të mbushë tregun vendas dhe të botës”, tha Berisha.
