Gjykata e Lartë e Beogradit ka vendosur që të dënojë me 30 ditë paraburgim Bernard C., dhe Ganfranc V., të cilët dyshohen për veprën penale të nxitjes së urrejtjes racore dhe fetare sipas ligjeve vendase.
Sipas kallëzimit për të pandehurit, Bernard C., akuzohet se ka fotografuar Gianfranco V., me celularin e tij teksa me duar tregonte shqiponjën dykrenare, veprim i cilësuar si simbol i “Shqipërisë së madhe”.
“Pasi panë policët, Gianfranco u largua nga vendi i ngjarjes, por u arrestua në qendër të Beogradit në mbrëmje”, thuhet në njoftim.
Gjatë seancës gjyqësore, Bernard C., i cili ka nënshtetësi Zvicerane, i ka pranuar pjesërisht pretendimet e prokurorëve, teksa Gianfranco V, shtetas i Zvicrës, është mbrojtur duke heshtur.
