Drejtuesi politik i Koalicionit Euroatlantik, Luzim Basha në një takim me qytetarët e njësisë 2 dhe 9 në Tiranë sulmoi Sali Berishën dhe koalicionin e drejtuar prej tij.
“Siç hoqëm vizat me Europën, do punojmë të heqim vizat me Amerikën e me Britaninë. Vetëm se më 11 maj secili prej nesh një votë ka. Unë kam në dorë programin dhe ekipin, ju keni në dorë votën. Vota për numrin 4, është votë për veten tuaj, për familjet tuaja. Kaq. Vota për numrin 5, është votë për të nxjerr shokët e Edi Ramës nga 313-ta. Keq më vjen, por vota për numrin 1, është votë për të nxjerr Ilir Metën nga burgu”, tha Basha.
Basha foli edhe për pikat kryesore të programit që në qendër të tij kanë familjet shqiptare, të rinjtë dhe sipërmarrësit.
Të rinjve ai u premtoi, 100 milionë euro investime për programin NextGen në 4 vite.
