Edi Rama, gjatë mbledhjes me kryetarët e bashkive ka kritikuar publikisht edhe kryebashkiakun e Elbasanit, Gledian Llatja. Ai u kap me zjarrin e rënë në varrezat e Elbasanit, ku sipas Ramës, bari jo vetëm që ishte lënë pa korrur, por po bëhej kallam.
Rama iu drejtua Llatjas se duhet të rrijë pa gjumë dhe jo të flerë më shumë, teksa i kërkoi edhe shkarkimin e të gjithë drejtorëve të bashkisë.
Edi Rama: Gatishmëria e qeverisë për njerëzit të mos trajtohet si bari i varrezave të Elbasanit, i cili ka potencialin të bëhet kallam dhe të bëhen varrezat si kallamishte. Një lloj bari që aq shumë është lënë pa u prekur, që jo vetëm rritet, por qe synon të bëhet kallam. Papritur shkon dikush i vë flakë, dhe për turp behën varrezat vend zjarre vënie del që personi nuk është mirë, por nëse bari është qethur siç duhet, dhe bari nuk merr qiellin se është e pakonceputeshme të ndodhin gjëra që do ti faleshin kryetarit të bashkisë nëse Elbasani do të ishte sa Shangai. Mund ta pëshkosh në këmbë çdo ditë cep për cep, te mos dijë kryetari se çfarë ndodh? Të mos jetë i informuar për çdo tullë që vihet në qytet, është e pamundur nëse i ka sytë hapur dhe i rri mbi kokë gjerat.
Patjetër nëse kryetari i ka sytë gjysme hapur dhe gjysmë mbyllur, ata që janë nënë të i kanë të mbyllur, siç i kishin në Bashkinë e Vlorës. Edhe në Bashkinë e Elbasanit edhe në atë të Lushnjës duhet bërë e njëjta gjë si në Bashkitë e tjera që deri tani është bërë pezullimi i plotë, shkarkimi i drejtorëve me dorëheqje, për t’u dhënë mundësi të tjerëve të tregojnë që janë të duhur për atë pozicion. Duhet shkundur e gjithë kjo pemë, se 10 mandate në Elbasan janë një barrë, bashkë më të Fierit dhe Vlorës, më ka marrë edhe ato orë që flija gjumë. Duhet të të lëmë pa gjumë ty, jo të flesh më shumë. Kryetari i njësisë së varrezave në Elbasan duhet të shkarkohet pa kthim
Po ashtu, Edi Rama kritikoi edhe departamentet e bujqësisë në bashkitë e vendit, duke i cilësuar si qesharake dhe vetëm për qoka.
Edi Rama: Departamentet e bujqësisë në bashki janë qesharake, komike, për të bërë qoka. Nuk janë departamente që merrem me njerëzit, me tokën e njerëzve për të cilën kanë respekt. Është më tepër sesa gjysma në një zonë kur nuk kanë titullin e pronësisë. Me emigrantët që janë jashtë, që shumë prej shumë tanimë falë edhe pjesës së madhe që u bë me diasporën, i njihni për t’ju thënë hajdeni se do t’ju ndihmojmë ne.
