Barcelona ka marrë një fitore me plot vuajtje në “Estadio da Luz” ndaj Benfica, në ndeshjen e parë për fazën e 1/16-ve në Champions League.
Barcelona luajti pjesën më të madhe të ndeshjes me 10 lojtarë, pasi Pau Cubarsi u ndëshkua direkt me karton të kuq në minutën e 22-të, pasi ishte lojtari i fundit që pengoi në kufijtë e zonës së rreptësisë sulmuesin e Benfica-s, Pavlidis. Pjesa e parë u mbyll me shifrat 0-0.
Në minutën e 60-të ishte Raphinha që zhbllokoi rezultatin, pasi shënoi një gol shumë të bukur me një goditje të fortë nga distanca. Braziliani përfitoi nga një gabim i vendasve, mori vetë topin dhe e dërgoi në rrjetë.
Pavarësisht tentativave të vendasve për të barazuar shifrat, rezultati nuk ndryshoi deri në fund. Barcelona merr një fitore shumë të rëndësishme për “biletën” drejt çerekfinaleve.
