Pas rinovimit me Gerard Martin, Ronald Araujo, Pedri dhe Gavi, Barcelona ka si objektiv të radhës zgjatjen e kontratës me Raphinha-n. Braziliani po përjeton sezonin e tij më të mirë në karrierë, me 24 gola dhe 15 asiste në të gjitha ndeshjet.
Kontrata aktuale e yllit brazilian skadon në vitin 2027, por duke parë super formën që po tregon këtë sezon, klubi katalanas po planifikon rinovimin me qëllim të shmangë ndonjë surprizë të hidhur gjatë merkatos verore.
Interesi për Raphinha-n nuk ka munguar as në merkaton e janarit, ku propozimet e ardhura nga klubet arabe kanë qenë shumë joshëse, por vetë lojtari dhe klubi i kanë refuzuar kategorikisht.
Katalanasja Sport raporton se Barcelona do t’i ofrojë brazilianit rinovimin deri në vitin 2029 dhe sigurisht që do të rrisë klauzolën e tij të largimit për ta bërë sulmuesin “mollë të ndaluar” për ekipet e tjera.
