Xavi Hernandez duket se nuk është më një figurë e mirëpritur nga drejtuesit aktualë të Barcelonës.
Sipas gazetarit Javi Miguel, klubi katalanas ka refuzuar kërkesën e 46-vjeçarit për të marrë pjesë në ndeshjet e fundit të legjendave të Barcelonës.
Raportohet se Xavi i kishte kërkuar personalisht klubit leje për të luajtur në këto takime, por drejtuesit blaugrana i kanë bërë të ditur se nuk konsiderohet një i ftuar i mirëpritur në “Camp Nou”.
Qëndrimi i Joan Laporta ndaj Xavit lidhet me shumë gjasa me zgjedhjet presidenciale të Barcelonës, ku ish-mesfushori kishte kritikuar presidentin aktual dhe kishte mbështetur rivalin e tij.
Situata ka shkaktuar reagime edhe te tifozët, të cilët kërkojnë shpjegime nga Laporta për mënyrën se si po trajtohet një nga figurat më të mëdha në historinë e klubit.
Xavi është produkt i akademisë së Barcelonës dhe kaloi të gjitha nivelet e klubit para se të debutonte me ekipin e parë në vitin 1998. Ai u largua në vitin 2015 për t’iu bashkuar Al-Sadd në Katar.
Në vitin 2021, Xavi u rikthye te Barcelona si trajner, rol që e mbajti deri në vitin 2024.
