Ndeshja e fundit e këtij sezoni në La Liga ishte mes Athletic Bilbao-s dhe Barcelonës. Të dyja ekipet i kanë arritur objektivat e tyre për këtë sezon, Barcelona ka fituar titullin, ndërsa Athletic Bilbao është kualifikuar për në Champions League, duke u renditur në vendin e katërt.
Katalanasit e kanë nisur shumë mirë takimin, duke shënuar dy gola brenda 4 minutash. Në minutën e 13-të, Robert Lewandoëski hap serinë e golave, duke kaluar bukur Unai Simon, pas asistit të marrë nga Fermin Lopez. 4 minuta më pas, polaku do të shënonte sërish, këtë herë me kokë pas krosimit nga goditja e këndit nga Raphinha dhe devijimit të mbrojtësit vendas, Lewa do të shtynte topin në rrjetë.
Në minutat në vijim, Barcelona pati disa raste të pastra shënimi me Yamal, Lewandowski e Raphinha-n, por që nuk u konkretizuan në mënyrën e duhur. Goli i tretë i Barcelonës do të vinte në minutën e 94-të, ku Dani Olmo u tregua i saktë nga pika e bardhë e penalltisë, e fituar po nga vetë, ai pasi u pnegua brenda në zonë.
