Një ngjarje e rëndë është regjistruar paraditen e sotme në Durrës, ku një 56-vjeçar ka plagosur me mjet prerës vajzën e tij.
Sipas informacioneve paraprake, më datë 26 janar 2026, rreth orës 10:03, shtetasi M. N., 56 vjeç, në rrethana ende të paqarta, ka goditur me thikë vajzën e tij, shtetasen Xh. N., 24 vjeçe, banuese në lagjen nr. 12 të qytetit të Durrësit.
Gjatë ngjarjes ka mbetur i plagosur edhe shtetasi O. M., kalimtar i rastit, i cili ka ndërhyrë për të ndaluar autorin në momentin kur ai po sulmonte vajzën.
Të plagosurit janë transportuar në Spitalin Rajonal Durrës, ku po marrin ndihmë mjekësore dhe ndodhen jashtë rrezikut për jetën.
Policia po punon për sqarimin e plotë të rrethanave të ngjarjes, ndërsa shërbimet policore vijojnë kërkimet për identifikimin dhe kapjen e autorit, i cili është larguar nga vendngjarja.
