Të tjera detaje janë zbuluar lidhur me ngjarjen e rëndë të ndodhur në Durrës, ku një 33-vjeçar u vra e më pas hodh në kanal nga shoku i tij disa ditë më parë.
Sipas Policisë, 35-vjeçari Majlind Habibi ka qenë duke ecur së bashku me te ndjerin Branko Shkoza 33-vjeç. Hetimet zbuluan se në një moment ata janë konfliktuar dhe sipas raportimeve, Majlindi është përfshirë në sherr me Brankon. Nga përplasja ky i fundit ka ndërruar jetë, teksa 35-vjeçari pas ngjarjes së rëndë e ka fshehur trupin e tij në kanal.
H. Shkoza, babai i Brankos kishte denoncuar në polici në datën 4 dhjetor 2024, se prej dy ditësh (2 dhjetor 2024) kishte humbur kontaktet me të birin të cilin po e kërkonte.
Në datën 5 dhjetor 2024, një ditë pasi babai e denoncoi të zhdukur, policia gjeti trupin e pajetë të 33-vjeçarit në kanal. Në trupin e viktimës nuk janë konstatuar shenja dhune, por hetuesit kanë ngritur dyshime se ngjarja nuk mund të ketë qënë aksidentale, pasi bënë kqyrjen e vendit të krimit!
Më pas hetuesit arritën të vërtetojnë se në bazë të provave shkencore, Branko dhe Majlindi, janë përfshirë në një konflikt me njëri-tjetrin në datën 2 dhjetor 2024, ditë kur prindërit e 33-vjeçarit humbën kontaktin me të.
Mbrëmjen e sotme policia arrestoi autorin e dyshuar të krimit, teksa ky i fundit, rapotohet të ketë dëshmuar se e vrau mikun e tij pasi i ngacmonte gruan.
Pavarësisht pretendimeve, do të jenë hetimet e mëtejshme ato që do të zbardhin plotësisht dinamikën e krimit.
