DJ i njohur Vin Veli do të bëhet baba për herë të dytë, këtë herë me partneren e tij të re, Karolina Gasiunaite. Lajmi vjen pasi prej muajsh ishin ngritur spekulime mbi jetën e tij private.
Vin Veli ka ndarë së fundmi disa momente intime në rrjetet sociale, duke konfirmuar marrëdhënien e tij me Karolinën, e cila nuk është shqiptare. Në postimet e saj të fundit, ajo ka publikuar foto që tregojnë qartë barkun e saj të rrumbullakosur, duke konfirmuar pritjen e ëmbël të çiftit.
Çifti janë parë së bashku në disa raste, përfshirë një foto nga festa e ditëlindjes së Karolinës, ku Vin dhe Karolina shfaqen me duart e bashkuara dhe të lumtur.
Kujtojmë se Vin Veli është baba i një djali 10-vjeçar, Arbor, nga lidhja e tij e mëparshme me moderatoren Bora Zemani.
Megjithëse tashmë ndjekin rrugë të ndryshme, Vin dhe Bora vazhdojnë të mbajnë raporte të mira, siç u vu re në festën e ditëlindjes së Arborit, ku të dy ishin të pranishëm për të festuar këtë moment të veçantë për djalin e tyre.
Bora Zemani është në një lidhje me Donald Veshajn, ndërsa duket se Vin ka gjetur lumturinë në krahët e Karolinës. Çifti pritet të mirëpresin së shpejti fëmijën e tyre të parë së bashku, duke nisur kështu një kapitull të ri në jetën e tyre familjare.
