Një avion i kompanisë “Delta Airlines” ka pësuar një aksident gjatë uljes në aeroportin ndërkombëtar “Pearson” të Torontos.
Avioni, një Bombardier CR900, udhëtonte nga Minesota në drejtim të Torontos. Aeroporti i Torontos njoftoi përmes një deklarate në platformën ‘X’ se ishte në dijeni të incidentit dhe se ekipet e emergjencës po merrnin masa pas aksidentit me avionin që kishte mbërritur nga Minneapolis.
Pamjet dramatike nga vendi i ngjarjes tregojnë avionin të mbështetur me kokë poshtë në pistë, ndërkohë që pasagjerët dalin nga avioni dhe ecin mbi pistën e mbuluar me akull.
Sipas CTV News, të paktën tetë pasagjerë janë plagosur gjatë incidentit.
Shiko videon KËTU!
