Ky është motori me të cilin shkoi te lokali pranë bashkisë autori i dyshuar i atentatit në Shkodër Rakip Gila.
Motorin ai e la të ndezur pranë lokalit, dhe dyshohet se nga vendi i ngjarjes u largua me një mjet tjetër. Megjithatë arratia e tij ka zgjatur disa minuta, pasi policia e ka arrestuar në dalje të Shkodrës, pranë urës së Trenit.
Iliria News mëson se Erogen Vaso dyshohet të ketë qenë shënjestra e atentatit. Ai është vëllai i Denis Bajrit, ndërsa emri i tij rezulton i përfolur për përfshirje në vepra kriminale, ku në vitin 2023 u përmend dhe në një dosje të SPAK si pjesë e grupit të Bajrave të Shkodër.
Ndërkohë vëllai i tij, Denis Brajoviç u ekstradua nga Dubai më 23 korrik të këtij viti.
Si pasojë e të shtënave në lokal humbën jetën Armand Pali dhe Geridon Kraja i cili nuk mundi t’i mbijetonte plagëve. Armando Pali ishte punonjës i IKMT-së në Shkodër.
Erogen Vaso ka mbetur i plagosur nga breshëria e plumbave. E plagosur gjithashtu ka mbetur edhe kamarierja e lokalit.
