Detaje të reja dalin nga atentati ndaj 36-vjeçarit, Arbi Gorgea, i cili u qëllua me armë zjarri nga një automjet në lëvizje teksa udhëtonte me makinë në vendin e quajtur “Fllakë e Egër”.
Ngjarja ka ndodhur rreth orës 19:30 të mbrëmjes së të premtes (30 Maj), ndërsa në automjet me shënjestrën ndodheshin edhe dy fëmijë të mitur të moshës 14 dhe 15-vjeç.
Raportohet se 30-vjeçari Kid Kazazi, banues në Kavajë, duke lëvizur me automjetin tip “Ford Focus” ka qëlluar me pistoletë gjatë një parakalimi drejt makinës tip “Lancia”, në të cilin ndodhej 36 vjeçari, banues në Durrës.
Arbi Gorgea mbeti i plagosur dhe u dërgua në spital, ndërsa dy të miturit nuk pësuan lëndime.
“Nga hetimet paraprake rezulton se rreth orës 19:30, të datës 30.05.2025, në vendin e quajtur “Fllakë e Egër”, shtetasi K. K., duke lëvizur me automjetin tip “Ford Focus”, ka qëlluar me armë zjarri të dyshuar pistoletë, gjatë një parakalimi, drejt automjetit tip “Lancia”, në të cilin ndodhej shtetasi A. G., 36 vjeç, banues në Durrës. Si pasojë, shtetasi A. G. mbeti i plagosur, ndërsa dy të miturit 14 e 15-vjeç që udhëtonin me të nuk kanë pësuar lëndime”, informon policia.
Nga hetimet ka rezultuar se disa ditë më parë, Arbi Gorgea ka ushtruar dhunë ndaj babait të Kid Kazazit, i cili ka pësuar dëmtime fizike dhe ndodhet jashtë rrezikut për jetën.
Ndërkohë policia ka shpallur në kërkim 30-vjeçarin dhe vijon puna hetimore për dokumentimin e plotë ligjor të ngjarjes.
Njoftimi i policisë:
Zbardhet ngjarja e ndodhur mbrëmjen e djeshme, ku mbeti i plagosur me armë zjarri një 36-vjeçar.
Identifikohet dhe shpallet në kërkim autori i dyshuar i ngjarjes.
Specialistët e Seksionit për Hetimin e Krimeve ndaj Personit në DVP Durrës, në bashkëpunim me Prokurorinë, kanë vijuar veprimet hetimore me qëllim zbardhjen e rrethanave të ngjarjes së ndodhur mbrëmjen e datës 30.05.2025, në aksin rrugor “Katër Rrugët e Fllakës–Katund Sukth”, si dhe për identifikimin dhe kapjen e autorit të dyshuar.
Si rezultat, u bë e mundur zbardhja e ngjarjes, identifikimi dhe shpallja në kërkim e autorit të dyshuar, shtetasit K. K., 30 vjeç, banues në Kavajë dhe vijon puna për kapjen e tij.
Nga hetimet paraprake rezulton se rreth orës 19:30, të datës 30.05.2025, në vendin e quajtur “Fllakë e Egër”, shtetasi K. K., duke lëvizur me automjetin tip “Ford Focus”, ka qëlluar me armë zjarri të dyshuar pistoletë, gjatë një parakalimi, drejt automjetit tip “Lancia”, në të cilin ndodhej shtetasi A. G., 36 vjeç, banues në Durrës. Si pasojë, shtetasi A. G. mbeti i plagosur, ndërsa dy të miturit 14 e 15-vjeç që udhëtonin me të nuk kanë pësuar lëndime.Nga hetimet ka rezultuar se disa ditë më parë, shtetasi A. G., ka ushtruar dhunë fizike ndaj babait të shtetasit K. K., i cili ka pësuar dëmtime fizike jashtë rrezikut për jetën.
Vijon puna hetimore në bashkëpunim me Prokurorinë për dokumentimin e plotë ligjor të ngjarjes.
Ndërkohë shërbimet e Policisë po vijojnë punën për lokalizimin dhe kapjen e autorit të dyshuar.
Materialet i kaluan Prokurorisë Durrës, për veprime të mëtejshme procedurale.
