Drejtori i Komunikimit në PD, Alfred Lela është larguar nga studio e ‘Top Story’ pas përplasjes me moderatoren dhe autoren Grida Duma duke shkaktuar bujë në media e rrjete sociale.
Debati nisi pas një komenti të Lelës ndaj moderatores Duma. Pas kësaj, Lelës, i është kërkuar nga vetë Grida Duma të largohet nga studio.
Kjo përplasje ka sjellë reagime të shumta, e mes tyre nuk ka munguar edhe djali i moderatores, Darien.
“Shumë bukur Mai👏👏👏”, komenton djali i Grida Dumës krah videos së debatit.
Pjesë nga debati:
Grida Duma: Top Channel të do ty këtu për të thënë të vërtetën.
Alfred Lela: Pse çfarë ishte e pavërtetë? Topi është i joti, penalltinë gjuaje vetë.
Grida Duma: Se çdo ‘Topi’ ta tregojë unë tani. Te fusha ime nuk gjuan dot penallti ti.
Alfred Lela: Gishtin mos ma drejto mua se nuk jam nxënësit yt. Atë gishtin fute ku të duash.
Grida Duma: Të nxjerr ty dhe shumë të tjerë që flasin kështu nga studio. Atë gishtin fute ti ku të duash.
