Arrestohet 47-vjeçari S.G., i dënuar më parë për vjedhje, i cili dyshohet se vidhte portofola, celularë dhe para në stacionet e autobusëve dhe në biznese të ndryshme në Tiranë.
Sipas hetimeve, S.G. ishte përfshirë në disa raste vjedhjesh në zona të ndryshme të kryeqytetit. Në kuadër të operacionit, u kap dhe u arrestua nga policia, ndërsa gjatë kontrollit iu sekuestruan mbi 6 milionë lekë dhe 8 mijë euro, të dyshuara si të përfituara nga aktiviteti kriminal.
Gjithashtu, është proceduar në gjendje të lirë 51-vjeçari Sh.P., pasi në dyqanin e tij u gjet një celular i vjedhur nga S.G.
