Policia e Tiranës ka arrestuar një person, i cili akuzohet për shpërndarje të lëndëve narkotike.
Në pranga është vënë shtetasi A. Xh., 48 vjeç, banues në Kuçovë, i cili raportohet se është kapur në flagrancë me doza kanabisi të gatshme për shitje.
Uniformat blu, në vijim të kontrolleve, në një tunel afër një pallati, në rrugën “Dalip Zavalani”, kanë gjetur disa doza kanabisi të gatshme për shitje, të cilat dyshohet se i kishte fshehur 48-vjeçari. Dozat janë sekuestruar në cilësinë e provës materiale.
Materialet procedurale i kanë kaluar Prokurorisë së Tiranës, për veprime të mëtejshme.
