Vilson Pepa, pjesë e grupit kriminal të drejtuar nga Ervis Çela dhe Franc Copja, është arrestuar në një shtet të Amerikës Latine.
Pepa ishte shpallur në kërkim nga Prokuroria e Posaçme (SPAK), që e lidh me trafikun e 11 ton kokaine, ndër të cilat 600 kg u kapën në Roterdam të Holandës në nëntor 2020, si dhe financimin e një tjetër sasie prej 10 kg në të njëjtin qytet.
Sipas raporteve ndërkombëtare, Pepa ishte pjesë e një rrjeti të fuqishëm kriminal transnacional që vepronte mes Evropës dhe Amerikës së Jugut. Grupi dyshohet se përdorte portin Villetas në Paraguai si pikë nisjeje për dërgesat drejt Belgjikës.
