Është arrestuar autori i plagosjes me thikë të 27-vjeçarit në Korçë Ari Kodra.
Ai është gjetur në banesë, po ashtu i plagosur rëndë, dhe policia me stafin mjekësor e kanë transportuar menjëherë në spital.
Nga ana tjetër mësohet se i dëmtuari 27-vjeçar është në gjendje stabël në sallën e reanimacionit.
Policia ka gjetur edhe mjetin prerës thikë me të cilën autori ka kryer plagosjen.
Njoftimi i Policisë:
Rreth orës 19:00, në fshatin Mollaj, Korçë, shtetasi A. K., 27 vjeç, është dëmtuar, dyshohet me mjet prerës thikë nga shtetasi A. Q, 41 vjeç.
27-vjeçari, po merr ndihmë mjekësore në spital.
Autori i dyshuar i ngjarjes shtetasi A. Q., është shoqëruar në Komisariat për veprime të mëtejshme.
Shërbimet e Policisë kanë gjetur dhe sekuestruar mjetin prerës thikë që dyshohet se shtetasi A.Q, ka plagosur 27 vjeçarin.
Grupi hetimor nën drejtimin e Prokurorisë po punon për zbardhjen e rrethanave të ngjarjes.
