Garda Civile ka shkatërruar një bandë që grabiti disa shtëpi në Mallorca dhe si rezultat ka arrestuar një shqiptar, një bullgar dhe një maroken. Sipas mediave spanjolle treshja e arrestuar kishte kryer më herët disa grabitje dhe kishin planifikuar në mënyrë të përsosur një fushatë grabitjesh për Krishtlindje në shtëpitë në Mallorca, duke përfituar nga udhëtimet e pronarëve në këto data. Pas arrestimit, autoritetet spanjolle kanë sekuestruar 50 ora, bizhuteri dhe xhevahire të shumta, telefona celularë dhe rreth 3500 euro para cash.
Shqiptari i vënë në pranga është identifikuar si Robert Linadi, të cilit i është ndaluar hyrja në disa vende evropiane për incidente të ngjashme. Linadi ka kryer 17 vjet burg për vrasjen me thikë të 30-vjeçarit Xhevahir Demaj nga Malësia e Madhe në një koncert me 400 pjesmarrës në veri të Londrës në vitin 2004. Në vitin 2003 ai së bashku me disa djem të tjerë nga Shkodra morën peng në një shtëpi publike në Perëndim te Londrës në lagjen Acton një shtetase shqiptare. Ata i kërkonin tutorit të saj një shumë prej 30 mijë paundësh në këmbim të lirisë së saj.
Pas disa ditë survejimi Linadi dhe miqtë e tij rrëmbyes u arrestuan nga skuadra e pengmarrjes pranë Scotland Yardit. Por Robert Linadi do të fitonte lirinë pas tetë muaj qëndrimi në qeli pasi gjykatësi e cilësoi dëshminë e të rrëmbyerës jo të sinqertë pasi ajo nuk tregoi në gjykatë se kishte punuar më parë si prostitutë në Itali.
