Policia e Fierit dhe Lushnjës ka arrestuar tre persona, të cilët akuzohen si autorë të disa rastzeve zjarrvënieje
Më konkretisht, në pranga është vënë shtetasi Faik Buzi, 68 vjeç, banues në lagjen “Bishanak”, Fier. Sipas autoriteteve, ai është kapur në flagrancë, duke ndezur zjarr përbri argjinaturës së lumit Gjanica.
Gjithashtu, dyshohet se ka shkaktuar dhe 3 vatra të tjera zjarri në lagjen ku banonte. Si pasojë e përhapjes së flakëve nga era, u dogj një sipërfaqe toke me bimësi të egër.
Po ashtu, në pranga është vënë dhe shtetasi Gëzim Hysi, 61 vjeç, banues në Lushnjë. Sipas autoriteve, dyshohet se ai ka ndezur zjarr, në tokën e tij, në lagjen “18 tetori” në Lushnj, për djegien e mbeturinave. Por, flakët janë përhapur deri te ish fusha e mbetjeve urbane dhe kanë rrezikuar banesa në këtë zonë.
Personi i tretë i arrestuar është shtetasi Novruz Deneku, 62 vjeç, banues në fshatin Delisufaj të Lushnjës. Ai dyshohet se ka ndezur zjarr, në afërsi të banesës së tij, për djegien e mbeturinave, por flakët janë përhapur në një territor të konsiderueshëm të fshatit dhe kanë rrezikuar banesa.
