Arrestimi i kryebashkiakut të Tiranës është një nga temat më të diskutuara gjatë dy ditëve të fundit.
Por sa vite burg rrezikon Veliaj nëse dyshimet kthehen në akuza?
Sipas avokatit Gentjan Rumano, është ende herët për të folur, pasi ai ende nuk është marrë i pandehur, por nëse akuzat vërtetohen ato janë mjaft të rënda dhe mund të shkojnë deri në 15 vite burg,
“Nuk duhet ta përkufizojmë në këtë lloj forme. Duhet të flasim për marzhin e dënimit për këto vepra, pasi edhe akuza është një veprim procedurial i cili është në fund. Nuk jemi ende në marrjen si të pandehur, jemi ende në dyshimin e arsyeshëm. Gjithse janë dy dispozita shumë të rënda, korrupsioni pasiv ka një marzh dënimi nga 4 deri në 12 vite, ndërsa pastrimi i produkteve penale ka një marzh dënimi edhe më të rëndë nga 7 deri në 15 vite, kur bëhet fjalë për raste të përsëritura. Kur jemi përpara pasojave të rënda është jo më pak se 15 vite. Pra ligjbërësi kur e formoi këtë diospozitë nuk besoj se ka patur qëllimin që ta parandalojë”, tha ai.
