Gjykata e Apelit ka lënë në fuqi masën “arrest me burg” për ish-administratorin e “Bankers Petroleum”, Leonidha Çobo dhe drejtorin aktual Hongping Xiao.
Ndërkohë nga 5 masa “arrest shtepie”, togat e zeza kanë zbutur vendimin vetëm për një prej të dyshuarve, Doina Goga, duke caktuar “detyrim paaqitje” për shkak të rrethanave familjare, pasi është nënë e një femije 2-vjeç. Lianyi Wang, Ardit Kero, Flavia Capo dhe Kledi Xhani vijojnë në arrest shtëpie.
Sa i përket 3 të akuzuarve që më herët ishin me detyrim paraqitje dhe ndalim për të dalë jashtë shtetit, Majlinda Thana, Matilda Ibraliu dhe Erton Ademaj, Apeli vendosi të heqë kufizimin e fundit, duke lënë në fuqi vetëm detyrimin për t’u paraqitur në policinë gjyqësore.
Seanca ndaj të akuzuarve për dosjen “Bankers” u zhvillua ditën e djeshme (5 Gusht), por vendimi u shty për ditën e sotme. Përfaqësuesit e ambasadës kineze nuk u lejuan brenda gjykatës ditën e martë.
