Britania ka thënë se ka gjurmuar një anije spiune ruse në Kanalin Anglez ditët e fundit dhe do të përshpejtojë reagimin e saj ndaj operacioneve të fshehta nga anijet dhe avionët rusë në një përpjekje për të mbrojtur kabllot nënujore.
Sekretari i Mbrojtjes, John Healy tha se anija spiune Yantar, e cila përdoret për të siguruar inteligjencë dhe harta të infrastrukturës kritike në shtratin e detit, hyri në ujërat britanike të hënën dhe Marina Mbretërore e monitoroi atë për dy ditë deri sa hyri në ujërat territoriale holandeze.
Ambasada ruse në Londër nuk iu përgjigj menjëherë një kërkese për koment.
Shqetësimet për sabotimin e mundshëm të kabllove të energjisë, lidhjeve të telekomunikacionit dhe tubacioneve të gazit janë rritur pas një sërë ndërprerjesh në Detin Baltik pas pushtimit rus të Ukrainës në vitin 2022.
“Ne do të mbrojmë Britaninë, tha sot Healy.
“Ne jemi duke rritur reagimin tonë për të siguruar që anijet dhe avionët rusë të mos operojnë fshehurazi afër territorit të Mbretërisë së Bashkuar ose NATO-s.”
“Unë gjithashtu doja që Presidenti Putin të dëgjonte atë mesazh: ne ju shohim, ne e dimë se çfarë po bëni dhe ne nuk do t’i shmangemi veprimeve të forta për të mbrojtur këtë vend,” shtoi Healy.
Britania ka vendosur të dërgojë avionë patrullimi dhe vëzhgimi detar për të ndihmuar përpjekjet e NATO-s për të mbrojtur kabllot në Detin Baltik, njoftoi Healy, duke shtuar se do të zhvillojë gjithashtu një sistem të avancuar të inteligjencës artificiale për të ndihmuar në sigurimin e infrastrukturës nënujore.
Healy tha se Yadar tashmë ishte kapur në ujërat britanike në nëntor, kur po lundronte mbi kabllo./ilirianews.al
