Manchester United po vuan shumë në krahun e majtë këtë sezon, për këtë arsye trajneri i “Djajve” kërkon nga drejtuesit të nënshkruajnë sa më shpejt me një top lojtar.
Amorim ka piketuar Nuno Mendes, portugezin e PSG-së, si lojtarin e duhur për krahun e majtë dhe pret nga drejtuesit ta mbyllin marrëveshjen para përfundimit të merkatos së janarit.
Për të arritur te Mendes, Manchester United duhet të bëjë disa largime lojtarësh më parë. Shifra që kërkon PSG për mbrojtësin portugez është 60 milionë euro.
Megjithëse Nuno Mendes është objektivi kryesor, United nuk po përjashton opsione të tjera nëse marrëveshja rezulton e vështirë për anësorin portugez.
Rayan Ait-Nouri i Wolverhampton është një tjetër alternativë e mundshme, por Nuno Mendes është objektivi numër 1 i kërkuar me ngulm nga trajneri Ruben Amorim.
