Miliarderi Elon Musk ka shprehur hapur bindjen e tij se Shtetet e Bashkuara të Amerikës duhet ti japin fund anëtarësimit të tyre në NATO.Musk ka ripostuar statusin e Këshilltarit të Lartë të presidentit Donald ku ishte shkruar: “Dil nga NATO, tani”.
Në rispostim, Elon Musk ka shkruar: “Në të vërtetë duhet. Nuk ka kuptim për Amerikën që të paguajë për mbrojtjen e Europës”.
Raportet e Amerikës me aleancën e NATO-s nuk janë në periudhën më të mirë, rikujtojmë këtu deklaratat e fundit të Trump si dhe fjalimin e zv.presidentit JD Vance në Gjermani ku u bë e qartë që Amerika nuk do të paguajë më asnjë qindarkë për mbrojtjen e Europës nëse shtetet anëtare nuk ofrojnë financimet e duhura për vendet e tyre.
