Arsenal ka marrë një goditje të rëndë në merkato, pasi Julián Álvarez nuk duket i gatshëm të transferohet në Londër.
Sulmuesi argjentinas është një nga objektivat kryesorë të “Topçinjve”, por sipas raportimeve, ai nuk e sheh kalimin në Premier League si opsionin e preferuar për momentin.
Arsenal është klubi që mund të paraqesë një ofertë konkrete për lojtarin e Atletico Madrid, por dëshira e Álvarez për të mos jetuar në kryeqytetin anglez e bën operacionin shumë të komplikuar.
Barcelona mbetet një destinacion i pëlqyer nga lojtari, por situata financiare e katalanasve e ka bllokuar për momentin këtë pistë. Ndërkohë, Atletico Madrid vazhdon ta konsiderojë Álvarez pjesë të rëndësishme të projektit për sezonin e ardhshëm.
Sulmuesi ka kontratë me klubin madrilen deri në vitin 2030 dhe vjen pas një sezoni pozitiv, ku ishte vendimtar në repartin ofensiv.
Për momentin, e ardhmja e tij mbetet e hapur, por një gjë duket e qartë: Arsenal nuk është zgjedhja që Álvarez preferon.
