Deputetja e Partisë Demokratike Albana Vokshi, njëherësh dhe kryetarja e Lidhjes Demokratike të Gruas, është bërë protagoniste e një denoncimi të pazakontë të formuluar me ‘Chat GPT’.
Ajo ka vendosur të denoncojë kushtet skandaloze të spitalit Onkologjik, duke i kërkuar ‘Chat-it’ që t’i bëjë një version ‘më të shkurtër, më të fortë dhe më denoncues’ për postimin e saj.
Natyrisht, askush nuk e mohon se kushtet e spitalit Onkologjik janë jo të duhurat, dhe shumë pacientë vuajnë me muaj marrjen e mjekimit.
Por mënyra se si një deputete e kuvendit të Shqipërisë, aq më tepër një nga opozitaret më të flakta e të njohura të PD-së zgjedh për të bërë një denoncim kaq të rëndësishëm, ngre shumë pikëpyetje.
Më vonë Vokshi ka kuptuar se statusi i saj ishte bërë meme, dhe ka hyrë për ta ndryshuar.
Më poshtë postimi i edituar:
Skandal i përsëritur në Onkologjik!
Aparati i brakiterapisë në QSUT është sërish jashtë funksionit. Dhjetëra pacientë me kancer mbeten pa trajtim jetik. Çdo seancë e humbur = rrezik për jetën!
❌ Nuk është hera e parë.
❌ Nuk është rast i izoluar.
📌 Prej një viti kam kallëzuar në SPAK Ramën, ministrat e Shëndetësisë, drejtuesit e QSUT e Onkologjikut për vrasje me dashje, shpërdorim detyre, neglizhencë mjekësore. Sot janë të njëjtët drejtuea në Qeveri, e në Onkologjik. Asgjë nuk ka ndryshuar. Asnjë nuk mban përgjegjësi për shëndetin apo jetët e humbura.
⚖️ Sot, ndërsa qindra milionë euro shkojnë për koncesione abuzive (Check-up, sterilizim, laboratorë), pacientët nuk marrin dot terapitë që u shpëtojnë jetën.
👉 Ky është krim shtetëror. Dhe SPAK, duke heshtur, është bërë bashkëfajtor.
