Alba Pollozhani, ish-konkurrentja e “Për’puthen”, është larguar sot nga reality show “Ferma VIP”, pas marrjes së zarfit të zi.
Edhe pse produksioni u përpoq mbrëmjen e kaluar ta bindte që të qëndronte, vendimi i saj ishte përfundimtar.
Vendimi është marrë nga vetë fermerja, por sipas rregullores ajo duhej të qëndronte edhe 24 orë.
“Dua të largohem nga Ferma VIP! Nuk kam pse të rri këtu, kur nuk ndihem mirë vetëm me atë që kisha! Kam disa parime që nuk mund ti shmang në jetë, nuk ka lidhje vetëm me Limin, por ka të bëjë me energjinë brenda shtëpisë, energjia me njëri-tjetrin shpesh herë mund të na lidh, por ata bllokojnë çdo lloj energjie reale për shkak të protagonizmit. Nuk jam e lumtur me të gjitha intrigat dhe skemat vetëm për shkak të protagonizmit!”, tha ajo.
Pas daljes nga formati, Alba u shpreh se kjo ishte një zgjedhje që duhej marrë patjetër.
