Një telefonatë anonime drejtuar sallës operative të policisë ka vënë në alarm forcat e rendit këtë pasdite në Tiranë. Bëhet fjalë për një njoftim mbi një mjet shpërthyes të dyshuar në hotelin luksoz “Plaza”.
Menjëherë pas marrjes së informacionit, forcat xheniere janë nisur drejt vendngjarjes. Zona përreth është rrethuar dhe ka nisur evakuimi i pjesshëm i ambientit, ndërsa godina e hotelit u boshatis brenda disa minutash.
Sipas të dhënave paraprake, telefonata është bërë në recepsionin e hotelit duke lajmëruar për një bombë të vendosur në parking. Personeli ka njoftuar menjëherë policinë.
Një klient shihet teksa ka dalë me rrobdizhan nga frika e madhe. Edhe stafi i hotelit ka dalë jashtë.
