Chelsea ka marrë lajme jo të mira para një ndeshjeje shumë të rëndësishme. Pasnesër, në “Stamford Bridge” në Londër, zhvillohet gjysmëfinalja e EFL Cup mes Chelseat dhe Arsenalit, por “Blutë” mund të jenë pa një nga lojtarët më vendimtarë.
Sipas MatchDay Central, mesfushori ofensiv 23-vjeçar Cole Palmer ka shumë gjasa të mungojë në derbin londinez për shkak të një dëmtimi në ijë. Theksohet se bëhet fjalë për një problem të përsëritur, i cili e ka shqetësuar Palmer edhe më parë.
Gjatë ditës së sotme, Palmer do t’i nënshtrohet ekzaminimeve të tjera nga stafi mjekësor i klubit, i cili pritet të japë verdiktin përfundimtar mbi gatishmërinë e tij për gjysmëfinalen.
Këtë sezon, për shkak të dëmtimeve, Palmer ka luajtur vetëm 12 ndeshje, ku ka shënuar 4 gola.
