Presidenti i Partisë së Lirisë, Ilir Meta i është përgjigjur nga burgu “313” pyetjeve të bëra nga emisioni “Quo Vadis” i moderatores Pranvera Borakaj në Vizion Plus.
Sa i përket dosjes së SPAK dhe akzuave ndaj tij, Meta u shpreh se këto janë akuza qesharake të shpikura nga regjimi.
Sipas tij edhe akuzat se fëmijët e tij kanë qarkulluar miliona euro dy vitet e fundit, janë sajesa që i shërbejnë vetëm regjimit.
Pjesë nga intervista:
Borakaj: Cili është komenti juaj zoti Meta, për dosjen voluminoze të SPAK, për akuzat dhe ‘fundosjen’ që konsiderohet se ju ka bërë çifti Ismailaj, por jo vetëm, dhe për ato zëra në media që flasin se fëmijet tuaj kanë qarkulluar miliona euro në dy vitet e fundit?
Meta: Një fletërrufe qësharake të SPAK-ut, asnjë provë kundër meje, asnjë shkelje ligji por vetëm deklarata mashtruesish që kanë patur problem me drejtësinë dhe ligjin dhe që përdoren nga DumDumani si Lej Feni i “Drejtësisë së Re”, që punon me ligje të vjetra e të neveritshme që s’kanë lidhje me shtetin e së drejtës, procesin e rregullt ligjor dhe Konventën Europiane të të Drejtave të Njeriut. Lidhur me fëmijët e mi hera e parë që po dëgjoj një përrallë të tillë. Por ata janë në moshë madhore dhe i dinë përgjegjësitë e tyre.
