Alexandra Daddario dhe bashkëshorti i saj, producenti Andrew Form, kanë mirëpritur fëmijën e tyre të parë. Aktorja e ka bërë të ditur lajmin e lumtur përmes Instagramit me një foto që i përshtatet në mënyrë të përkryer atmosferës së Halloween.
Në një postim Daddario ka shpërndarë një foto të të porsalindurit të mbështjellë me një batanije spitali dhe të rrethuar nga ëmbëlsirat. “Mendova se ky ishte një tas i çuditshëm me karamele”, ka shkruar ajo me humor foton, pa treguar emrin apo gjininë e foshnjës.
Marrëdhënia e Daddario me Form filloi rastësisht gjatë pandemisë, kur ata u takuan në rrugët e Nju Jorkut. Në maj 2021, ata dolën publikisht me lidhjen e tyre në Instagram, pak pasi u fejuan dhe u martuan në një ceremoni private në New Orleans në 2022. Që atëherë, Daddario ka qenë gjithashtu njerka e dy fëmijëve të Form nga martesa e tij e mëparshme me aktoren Jordana Brewster.
