Agjencia e Mbikëqyrjes Policore për Rajonin Elbasan–Korçë ka vënë në pranga Inspektorin Dritan Qylafin, me detyrë Oficer i Patrullës së Përgjithshme / Trupë Shërbimi pranë Seksionit të Rendit Publik në Komisariatin e Policisë Maliq, pas një aksidenti të rëndë që i mori jetën një qytetari.
Sipas AMP, ngjarja ka ndodhur ditën e djeshme, rreth orës 18:00, në aksin rrugor Maliq – Lozhan, ku Qylafi, duke drejtuar automjetin e tij gjatë shërbimit, është përfshirë në një aksident rrugor me pasojë vdekjen e shtetasit B. H., banues në Maliq.
Oficeri i policisë është arrestuar në flagrancë, i dyshuar për kryerjen e veprës penale “Shkelja e rregullave të qarkullimit rrugor” të parashikuar nga neni 290 i Kodit Penal.
AMP bën me dije se materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Korçë, e cila ka nisur hetimet për zbardhjen e plotë të rrethanave të ngjarjes./
