Një aksident i rëndë është shënuar në Athinë, ku ka humbur jetën një 18-vjeçar me origjinë shqiptare.
Ngjarja ka ndodhur herët mëngjesin e sotëm, teksa shqiptari ka qenë duke ecur paralelisht me motor me mikun e tij 16-vjeçar.
Por për arsye që nuk dihen ende, njëri nga drejtuesit e motomjetit ka humbur kontrollin dhe është përplasur me tjetrin që lëvizte paralelisht.
Si pasojë e këtij aksidenti 18-vjeçari humbi jetën, ndërsa 16-vjeçari që ndodhej në motorin tjetër ka marrë lëndime të lehta.
Në videon e mëposhtme shihet edhe momenti tragjik, ku 18-vjeçari rrëzohet nga motori dhe më pas është përplasur me një shtyllë që ndodhej në anën e rrugës. Si pasojë e plagëve shqiptari ka ndërruar jetë në vend.
Në momentin e aksidentit, asnjë nga shoferët nuk kishte veshur kaskë mbrojtëse. Policia po kryen hetimet paraprake për ngjarjen fatale.
