Katër persona kanë mbetur të lënduar si pasojë e një aksidenti të ndodhur në Kukës mbrëmjen e sotme.
Aksidenti ka ndodhur në dalje të Rrugës së Kombit.
Një automjet tip Benz sapo ka dalë nga autostrada është përplasur me një automjet tip Toyota.
Nga aksidenti janë plagosur dy pasagjerët dhe shoferi që ishin në automjetin tip Benz, gjithashtu i plagosur ka ngelur edhe drejtuesi i Toyotës.
Të plagosurit janë transportuar menjëherë në urgjencën e Kukësit, dhe fatmirësisht ndodhen jashtë rrezikut për jetën.
Policia dhe grupi hetimor po kryen veprimet për shkaqet e aksidentit.
Vendi ku ka ndodhur aksidenti është i pandriçuar, ndërsa ky segment është burim aksidentesh pasi lidh tre rruge, dalja dhe hyrja e rrugës së Kombit, aksi i rrugës Kukës- Shishtavec dhe hyrja e qytetit të Kukësit.
