Një aksident ka ndodhur paraditen e sotme në rrethrrotullimin e Levanit nga ku mësohet se janë përfshirë dy automjete. Sipas informacioneve paraprake, nga ngjarja dyshohet se një person ka humbur jetën, ndërsa katër të tjerë kanë mbetur të plagosur.
Bëhet me dije se të lënduarit janë transportuar me urgjencë drejt Spitalit Rajonal të Fierit, ku po marrin ndihmën mjekësore. Ndërkohë grupi hetimor po punon për të zbardhur shkaqet e aksidentit.
