Një aksident i rëndë rrugor ka ndodhur mbrëmjen e së dielës në Polikarpoi, të Peles, në Greqi.
Sipas mediave fqinje, nga aksidenti ka mbetur një viktimë, që raportohet të jetë një 21-vjeçar me origjinë shqiptare.
Shkaqe janë ende të paqarta, por 21-vjeçari i cili po udhëtonte me makinën e tij, ka humbur kontrollin dhe ka dalë nga rruga, duke shkaktuar aksidentin.
Ende nuk është bërë publike identiteti i viktimës. Autoritetet greke janë duke hetuar për të zbardhur tërësisht ngjarjen tragjike.
