Në datën 8 dhjetor 2025, ditën e Rinisë, Adriatik Lapaj, kryetari i Shqipëria Bëhet, u shfaq i vetëm para godinës së Kryeministria e Shqipërisë i ulur me një karrige, duke thënë se do të qëndrojë deri në rrëzimin e qeverisë së korruptuar të kryeministrit Edi Rama.
Me kalimin e ditëve protestës së tij iu bashkuan dhe shokët e partisë, të cilët qëndruar për ditë të tëra në eshesh nga mëngjesi në mëngjes, duke përballuar të ftohtin e dhjetorit dhe janarit me plasmas.
Gjatë kësaj kohe Policia i ka hequr disa herë karriget dhe plasmasin Lapajt, teksa ky i fundit ka bërë disa herë thirrje për mbeshtetje nga qytetarët.
Këtë mbeshtetje ai nuk e ka gjetur në shumicën e herëve, duke e vakur nismën e tij për rrëzimin e qeverisë duke qëndruar i ulur në karrige.
Pavarësisht kësaj, Lapaj ka mbajtur të paktën dy protesta kombëtare gjatë kësaj kohe, me një pjesëmarrje relativisht më të gjerë.
Sipas verifikimeve të “Iliria News”, Lapaj duket se është “lodhur” dhe vetë nga kjo nismë që duket se nuk do t’i japë “frutet” e “farës” që “mbolli” në fillim të saj. Lapaj ka kuptuar se qeveria nuk do të bjerë nga rrezistenca e tij, dhe në disa raste është verifikuar se nuk ka qenë prezent në shesh gjatë ditës.
Ai ka zgjedhur të largohet nga sheshi, për t’u kthyer në mbrëmje e për të biseduar “Live” nga rrjetet sociale me qytetarët. Gjatë ditës në sheshin para kryeministrisë nuk gjen thuajse askënd, përveçse një deri në tre persona që qëndrojnë për të ruajtur karriget, plasmasin dhe bomblat e gazit.
Lapaj deklaroi në fillim të kësaj proteste se nuk do të largohet nga sheshi pa rrëzuar qeverinë, por ai disa herë është shfaqur nëpër studio dhe debate televizive, ndërkohë që shokët e tij bëjnë roje në Bulevardin Dëshmorët e Kombit!/ Ilira News.
