Tiranë- Prokuroria e Posaçme kundër Korrupsionit dhe Krimit të Organizuar, SPAK ka kërkuar 1 vit e 6 muaj burg për ish nën kryetarin e Bashkisë Kukës Granit Gjana, i cili akuzohet për “shkelje të barazisë në tendera” në dy raste.
Për shkak të gjykimit të shkurtuar, Gjana përfiton ulje të dënimit në 1 vit. SPAK kërkoi konvertimin e dënimit me 2 vite shërbim prove.
Në seancën e ardhme, gjykata pritet të shpallë vendimin për Gjanën.
Kallëzimi është bërë më 22 Maj nga Florian Cungu.
Ky i fundit është administrator i shoqërisë që humbi tenderat me vlerë 21 milionë lekë, pasi Bashkia Kukës nuk i dha dokumentet.
SPAK thotë se Gjana e ka penguar garuesin “Ufo Cengu” sh.p.k, në mënyrë të padrejtë, duke mos lëshuar dokumentin bashkiak, mungesa e të cilit solli skualfikimin nga dy procedurat e tenderit të karburanti.
Tashmë dosja në ngarkim të tij do të shkojë në gjykatë në senacë paraprake.
Në këtë fazë do të jetë trupa e cila do të vendos nëse do ta kalojë për gjykim, do ta pushojë apo do t’ia rikthejne prokurorisë për hetime më të plotë./ilirianews
