Me kombëtaren ka pasur gjithmonë një lloj mallkimi rreth Leo Messit. Legjenda argjentinase dhe e Barcelonës ka pasur gjithmonë kënaqësi për sa i përket trofeve mes të gjitha klubeve për të cilat ka luajtur, mes Barcelonës dhe PSG-së, përfshirë Inter Miami tani.
Por Kupa e Botës 2022 e Katarit, së bashku me Kupën e Amerikës 2021 dhe 2024, ishin një çlirim për ‘Pleshtin’: “Falë Zotit arrita të realizoj ëndrrën time më të madhe, që ishte të fitoja Kupën e Botës, për të cilën luftova aq shumë dhe që ajo kushton shumë”,- pranoi ai.
I akuzuar vazhdimisht se nuk ia doli kurrë të bënte diferencën me Albiceleste, kritikave iu dhanë fund. Messi ka hequr një barrë të papërshkrueshme nga vetja dhe tani, në moshën 37-vjeçare, lojtari nga Rosarino është i lirë të veshë fanelën e Argjentinës dhe të marrë njohjen e duhur.
Një mendim, megjithatë, për fundin e karrierës së kapitenit vjen spontanisht, sepse nuk ka siguri për praninë e tij në Botërorin e ardhshëm 2026. Për shkak të moshës së avancuar dhe dëmtimeve më të përsëritura, duhet të jetë më i kujdesshëm. Por në intervistën për 433, Leo Messi shpjegoi se çfarë është e nevojshme.
“Shpresoj ta përfundoj mirë këtë vit dhe ta nis mirë vitin e ardhshëm duke bërë përgatitje të mirë, gjë që nuk arrita ta bëj vitin e kaluar për shkak të shumë udhëtimeve që bëmë. Nuk ka mbetur shumë (për Kampionatin Botëror), por në të njëjtën kohë ka mbetur edhe shumë kohë. Në futboll çdo gjë mund të ndodhë, ndaj mundohem të jetoj dita-ditës dhe të mos mendoj më tutje”,- komenton ai.
