Manchester City mposhti Bournemouth-in 3-1 në “Etihad”, në ndeshjen e javës së dhjetë të Premier League, dhe një tjetër rekord u shkrua nga Erling Haaland. Sulmuesi norvegjez shënoi dy gola, duke hyrë në një rreth elitar të kampionatit anglez.
Sipas të dhënave të Opta, Haaland është vetëm lojtari i tretë në historinë e Premier League që arrin të shënojë dy ose më shumë gola në katër ndeshje radhazi në shtëpi. Para tij, këtë arritje e kanë realizuar Robbie Fowler (me katër ndeshje) dhe Luis Suárez (me pesë ndeshje radhazi).
Guardiola e zëvendësoi Haaland-in në minutën e 82-të me Omar Marmoush, dhe pas ndeshjes norvegjezi reagoi me humor për daljen e tij nga loja.
