Policia e Kosovës ka arrestuar dy persona pas një rrahje të ndodhur të dielën në një lokal në rrugën “Nënë Tereza” në Istog, e cila ka ndodhur rreth orës 18:50.
Incidenti ka rezultuar me lëndimin e një personi, i cili është dërguar për trajtim në Spitalin Rajonal të Pejës.
Sipas njoftimit të Policisë, njësitë e sigurisë kanë reaguar menjëherë dhe kanë arritur në vendin e ngjarjes brenda një kohe të shkurtër.
Si rezultat i veprimeve të shpejta, autorët e dyshuar janë ndaluar. Viktima fillimisht është dërguar në Qendrën e Mjekësisë Familjare në Istog dhe më vonë, për shkak të gjendjes së tij, është transferuar në spitalin e Pejës për trajtim të mëtejshëm.
Pas arrestimit, dy personat e dyshuar janë intervistuar nga policia dhe me urdhër të prokurorit të Shtetit, ata janë dërguar në mbajtje për një periudhë prej 48 orësh.
