Të tjera detaje mësohen në lidhje me vrasjen këtë pasdite në Ndroq të Tiranës.
Policia ka identifikuar autorin e vrasjes, i cili është afruar në këmbë kur ka kryer krimin dhe më pas është larguar me një makinë Benz të zi (ML).
Viktima është banor në zonë, ndërsa dyshohet se ngjarja ka të bëjë më prishjen e pazareve të drogës.
Sipas burimeve policore, autori i dyshuar i ngjarjes është Julian Gjoshi nga Shijaku.
Tiranë/Informacion paraprak
Më datë 01.12.2024, rreth orës 15:30, në një lokal në Ndroq, në rrethana ende të paqarta është vrarë me armë zjarri shtetasi A. D., rreth 50 vjeç.
Autori është identifikuar nga shërbimet e Policisë dhe një grup i posaçëm hetimor, në drejtimin e Prokurorisë, po vijon punën për zbardhjen e plotë rrethanave të ngjarjes, dokumentimin e plotë ligjor të saj dhe kapjen e autorit të dyshuar.
