Të tjera detaje kanë dalë në dritë lidhur me vrasjen 36-vjeçari Dalan Alliaj, mbrëmjen e sotme në fshatin Gjorm, në Vlorë, nga djali i xhaxhait të tij.
Viktima ka marrë 5 plumba në trup, tre prej të cilëve pranë zemrëa, ndërsa trupi i pajetë i tij është gjetur nga familjarët e tij. Ngjarja ka ndodhur rreth orës 20: 25 minuta, ndërsa mësohet se autori është Bertil Alliaj, djali i xhaxhait të tij, i dënuar në mungesë për masakrën e Çoles.
Në vendngjarje mbërritën menjëherë policia dhe ambulanca, ku kjo e fundit ka transportuar trupin e 36- vjecarit në spital, por pa shënja jete.
Forcat e rendit, FNSH bashku me ekspertët e kriminalistikës, kanë bërë kqyrjen e vendngjarjes dhe kanë shoqëruar për në polici 5 persona.
Policia e Vlorës dhe forcat e FNSH janë duke krehur zonën dhe kanë nisur kërkimet në male për kapjen e autorit, pasi dyshohet se është arratisur. Ndërkohë trupi i pajetë i të ndjerit është dërguar në morgun e spitalit të Vlorës, ku kanë shkuar edhe familjarë të viktimës.
Dalan Alliaj, rezulton administrator i kompanisë Allidagu në Fier, me aktivitet në fushën e prodhimit, përpunimit dhe shpërndarjes së ushqimeve, mbarështimi i kafshëve në fermat agroblegtorale të mëdha, tregti kafshësh të gjalla si dhe servis e tregti automjetesh.
Policia e Vlorës ende nuk ka një pistë dyshimi, por është ende duke marrë në pyetje banore që mund te kenë lidhje me ngjarjen. Në vendin ku ndodhi ngjarja në fshatin Gjorm mungon ndriçimi, ndërsa kamera sigurie nuk ka në atë zonë.
