“Zonja e Vjetër” nuk ka mbetur gjatë pa trajner. Sipas raporteve të fundit, Juventus ka arritur marrëveshje me Luciano Spallettin (66 vjeç) për t’i besuar stolin deri në qershor 2026, me opsion zgjatjeje në varësi të rezultateve. Dokumentet po rishikohen nga juristët dhe zyrtarizimi pritet shumë shpejt. Këto të dhëna përkojnë me raportimet se palët janë “shumë pranë” dhe prezantimi mund të vijë brenda pak ditësh, pas shkarkimit të Igor Tudor më 27 tetor.
Gjatë karrierës, Spalletti ka drejtuar Empoli, Sampdoria, Venezia, Udinese, Ancona, Romën, Interin dhe Napolin dhe së fundmi ka qenë trajner i Italisë (2023–2025). Te Juventusi, ai pritet të marrë një projekt rindërtimi afatshkurtër-mesatar me objektiva të qartë në Serie A dhe Evropë.
