Amazon njoftoi se do të shkurtojë 14,000 vende pune në të gjithë botën, duke shënuar ristrukturimin më të madh të saj në vite, për shkak të investimeve të mëdha në inteligjencën artificiale (IA). Drejtoresha e burimeve njerëzore, Beth Galetti, e përshkroi IA-në si “teknologjinë më transformuese që nga interneti,” duke theksuar se ajo ndihmon bizneset të përshpejtojnë inovacionin dhe të veprojnë më shpejt.
CEO, Andy Jassy, në një memo të brendshëm në qershor, kishte lënë të kuptohej për shkurtimet e stafit, duke shpjeguar se do të nevojiten më pak njerëz për disa rol, ndërsa do të krijohen të tjera për shkak të përmirësimit të efikasitetit nga IA. Jassy parashikoi se përdorimi i gjerë i këtij teknologjie do të çonte në një zvogëlim të fuqisë punëtore të korporatës.
Këto shkurtime të Amazon përputhen me një trend më të gjerë në industrinë e teknologjisë dhe shitjes, ku kompani si Target, Meta dhe Microsoft gjithashtu kanë bërë reduktime të konsiderueshme të stafit. Target njoftoi 1,000 vende të reja të lira, ndërsa Meta dhe Microsoft pushuan nga puna mijëra punonjës. Shkurtimet në Paramount Skydance dhe Salesforce poashtu pasqyrojnë ndikimin e IA-së në mënyrën si operojnë këto kompani.
Aktualisht, Amazon ka rreth 1.55 milion punonjës, nga të cilët rreth 350,000 janë në pozita korporate. Punonjësit që do të preken nga shkurtimet do të kenë 90 ditë për të gjetur një rol të ri brenda kompanisë, me fokus tek rekrutimi i brendshëm.
Përveç kësaj, Amazon ka kërkuar nga punonjësit të kthehen në zyrë dhe të zhvendosen më afër selive në Seattle dhe Virginia. Kompania pritet të publikojë rezultatet e tremujorit të tretë të enjten, ndërsa analistët e tregut parashikojnë të ardhura që do të kalojnë 170 miliardë dollarë, me një kapitalizim tregu që tejkalon 2.4 trilion dollarë.
