Arrestohet nga Sherbimet e Komisariatit të Policisë Berat autori i vrasjes me thikë në Kala, Kristo Mema (alias Kostandin Hoxha), 63-vjeç.
Ai u gjet i fshehur tek “Shpella e Memecit”, pranë kishës përballë Urës së Goricës.
Mësohet se viktima, Keli Hoxha, kishte kërkuar t’i bënte foto vajzës së tij të vogël me kalin e Kristo Memës i cili i bënte xhiro turistëve në kala, por ky i fundit ka kërkuar lekët ndërsa Hoxha nuk ka pranuar. Në debat e sipër, Mema ka qëlluar Hoxhën me thikë.
Keli Hoxha mësohet se u vra në sy të dy fëmijëve, gruas dhe nënës së tij. Familja Hoxha mësohet se kishin shkuar për të kaluar një ditë ndryshe në kalanë e Beratit, por tragjedia ndodhi.
Vlen të përmendet se autori i ngjarjes, 63-vjeçari Mema është një person me precedent të mëparshëm penal, pasi rezulton të jetë dënuar me 25 vite burg për një vrasje në Greqi, të ndodhur po 25 vite më parë.
