Pas shpërthimit me lëndë plasëse që tronditi lagjen “Ndoc Mazi” në Shkodër dhe plagosi 38-vjeçarin Enea Busukja, policia ka zbuluar një makinë të djegur në fshatin Dragoç, e cila po verifikohet nëse ka lidhje me atentatin.
Burime nga hetimet paraprake bëjnë të ditur se mjeti është gjetur plotësisht i shkrumbuar dhe është duke iu nënshtruar një ekspertize nga grupi hetimor. Hetuesit po përpiqen të përcaktojnë nëse makina është përdorur nga autorët e ngjarjes dhe të zbulojnë pronësinë e saj.
Pista kryesore e hetimeve lidhet me pozicionin e Busukjas si inspektor në Hetimin Tatimor në Shkodër, dhe hetimet janë duke u zhvilluar në disa drejtime për të zbardhur motivet dhe rrethanat e sulmit.
