Policia e Vlorës ka arrestuar 32-vjeçarin Haiti Bajramaj, i cili mbrëmjen e djeshme u përplas me një motor të drejtuar nga një 17-vjeçar. I mituri për shkak të plagëve të marra humbi jetën.
Bajrami akuzohet për veprat penale “Drejtimi i automjeteve në mënyrë të parregullt” dhe “Shkelja e rregullave të qarkullimit rrugor”.
Rreth orës orës 00:15, në bulevardin “Ismail Qemali”, 32-vjeçari duke drejtuar automjetin tip “Porsche”, në gjendje të dehur, është përplasur me motomjetin tip “Trinity”, që drejtohej nga 17-vjeçari.
I riu pavarësisht se u transportua me urgjencë në Spitalin Rajonal të Vlorës, nuk mundi t’i mbijetonte plagëve të marra.
